又要傾續約

７月２７日，星期六

眨眼又兩年，上網份約１０月到期，近幾個月不斷收到HKBN電話問我想唔想續約，因為我係舊客戶，他們可以給我挽留價＄１４５，但我問他們月費可以再減嗎？他們話已經係最低價，而且仲話過咗優惠期無辦法再給我這個價續約，不過我現在的月費是＄１１８哦！

好煩呀！本來想繼續拖延住，點知今日中午又接到電話，問我今日係最後機會可以用＄１４５續約，否則以後要＄１６８無得再減！

其實＄１４５個價，我相信已經係HKBN底線！因為我上網查過近半年續約的人，沒見過有人說低過這價！


另一方面HKBN話加多３蚊可以加一條電話線，＄１４５上網＋＄３電話＝＄１４８

我同媽媽商量過覺得＄１４８（上網＋電話）幾抵！ 現在屋企的固網電話是PCCW剛好又係１０月到期，可以取消！

所以續約！


後續。。。

不過，今日７月２８日，星期日，我係電話問過HKBN職員，原來條電話無IDD優惠，打電話返大陸一分鐘要３蚊 ，哇！！！ 咁貴！我媽媽話咁貴唔轉！咁。。。死啦！ 原本諗住月費可以一人一半，現在要自己俾晒！